Dis da la plurilinguitad 2026 – «Collaborez-vous Suisse ?»
A chaschun da la 7avla ediziun dals Dis da la plurilinguitad da l’administraziun federala che ha lieu dals 21 fin ils 26 da settember, envida la delegada federala per la plurilinguitad las collavuraturas ed ils collavuraturs da l’administraziun federala a reflectar davart la coesiun dal team en in context pluriling. Questa emna stat en connex cun il Di europeic da las linguas dals 26 da settember. La finamira è quella da promover la plurilinguitad ch’è ina da las valurs da basa da nossa coesiun naziunala.
«Collaborez-vous Suisse ?»
L’administraziun federala duai garantir ina represchentanza equilibrada da nossas cuminanzas linguisticas e promover in diever armonic da nossas linguas uffizialas. Ma co statti cun las dinamicas internas da communicaziun da las squadras che furman l’administraziun federala? Co duain ins «collavurar Svizra», quai vul dir en pliras linguas uffizialas? La delegada federala per la plurilinguitad As envida a reflectar davart questa tematica cun guardar il film da la SSR «Chantez-vous Suisse?».
Per pudair viver la plurilinguitad en la lavur quotidiana han las collavuraturas ed ils collavuraturs da l’administraziun federala a disposiziun in video d’ina squadra plurilingua da l’Uffizi federal da svilup dal territori ARE, che envida ils caders a promover la plurilinguitad en lur teams. Il program vegn cumplettà cun auters videos che han in connex cun las purschidas da sensibilisaziun per la lingua e la cultura da la Svizra taliana e rumantscha.
Davart il stadi da la plurilinguitad en l’administraziun federala chattais Vus infurmaziuns pli detagliadas sut «Evaluation der Umsetzung» sco er ils resultats d’in studi davart las novas sfidas da la plurilinguitad en l’èra da la IA.
