Nicoletta Mariolini, Delegada federala per la plurilinguitad
Nicoletta Mariolini: «L’administraziun federala tgira la coesiun fundamentala dal stadi cun investir en il chapital linguistic da sias collavuraturas e collavuraturs e cun stimar tuttas cuminanzas linguisticas regiunalas e localas.»
La Svizra ed ils Svizzers furman ina naziun basada sin la voluntad politica, pia ina naziun ch’è fundada sin nossa voluntad communabla. En quest’unitad en la diversitad ed en la voluntad da surmuntar nossas differenzas e da cuntanscher ina buna convivenza sa chatta nossa fermezza. Gronda impurtanza tutga a la valur economica dal plurilinguissem sco er a la direcziun che metta en la pratica la politica publica.
Diversitad culturala e plurilinguissem tutgan a l’esser originar da la Svizra. La Svizra sa cumpona da 26 chantuns, dals quals trais èn bilings ed in è triling. Las linguas naziunalas èn tudestg, franzos, talian e rumantsch. Per ch’ina mesira concernent il plurilinguissem saja efficazia e mainia a la finamira, ston tut ils acturs ch’èn participads a la promoziun dal plurilinguissem agir en moda adequata e coordinada.
Basas giuridicas
Constituziun federala da la Confederaziun svizra
Nicoletta Mariolini
Bundesgasse 3
3003 Berna
+41 58 462 64 35
plurilingua@gs-efd.admin.ch